mywordsmyworld

मैत्री आणि  जयकथा (महाभारत.) !! #मैत्री #महाभारत #जयकथा #friendshipday जयकथा म्हणजेच महाभारत. माझे अत्यंत आवडीचा विषय. जितके   मी या बद्दल वाचेन , विचार करेन  ते तोकडेच आहे. असंख्य नाती आणि त्याचा   भावनिक लेखा जोखा आणि  त्या  संबंधाची कोडी आणि त्यांची उकल, हे सगळे म्हणजे  जयकथा. सामान्य वाटावी अशी पण असामान्य माणसे. मैत्रीचे हे  नाते अनेक वेळा  या महाकाव्यामध्ये येत  रहाते. कृष्ण आणि पेंद्या  यांची लहान पणीची मैत्री. मग सुदाम आणि कृष्णाची मैत्री . पण  या मैत्रीला काही मर्यादा आहेत किंवा त्या बद्दल केवळ काही घटनाच  आहेत.  तीच कथा द्रुपद  आणि द्रोण यांची. नाट्य आहे या मैत्री मध्ये  पण नात्यावर भाष्य नाही. मग नात्यावर भाष्य करणाऱ्या मैत्री म्हणजे कृष्ण - अर्जुन आणि दुर्योधन आणि कर्ण यांच्या. या नात्याला  बरेच कंगोरे आहेत. पण अर्जुन अन कृष्णाच्या नात्याला अजून एक पदर आहे तो म्हणजे गुरु - शिष्य नात्याचा, भक्तीभावाचा  ; म्ह्णून यामध्ये एक  अदृश्य अंतर दिसत राहते. दुर्योधन आणि कर्णाच्या नात्...